Ftohja e motit ka sjellë një rritje të numrave të të infektuarve me koronavirus dhe kjo po ndodh për shkak të sistemit të dobët imunitar që kanë njerëzit në ditët e dimrit.

Mjeku nga Turqia, Dr. Lektori Merve Işkın ka ndarë me lexuesit recetën e një supe dimri, e cila mund të rrisë edhe sistemin imunitar, shkruan CNN turk, transmeton portal arbresh.info

Sipas tij, në ditët e dimrit qytetarët duhet të konsumojnë sa më shumë ushqime që forcojnë sistemin imunitar,prandaj ai këshillon që të përgatisni këtë supë e cila përmban xhenxhefil dhe shafran të Indisë.

“Ne duhet të kujdesemi që të përdorim xhenxhefil dhe shafran i Indisë në supat tona, veçanërisht në muajt e dimrit,” tha ai.

Përbërësit për supën:

1 qepë
2 degë selino
2 lugë qumësht
2 karrota
1 kungull i njomë
1 lugë e vogël piper i zi

Për kremin e supës:
2 lugë miell
½ gotës kos
1 të verdhë të vezës
Limon
Kripë
Xhenxhefil
Shafran i Indisë
Piper i zi

Dr. Lektori Işkın shpjegoi se si të bëjmë supë si më poshtë:

Në një enë hudhet pak gjalpë, ose 4 lugë vaj. Qepët priten në copa dhe fërgohen. Perimet tjera gjithashtu priten në copa të vogla dhe vendosen për t’u fërguar. Pasi të jenë fërguar perimet, shtoni 6 gota ujë dhe lëreni të zihen në temperaturë mesatare. Në fund shtohen erëzat tjera, xhenxhefilin dhe shafranin e Indisë. Kur shërbehet, mund të shërbehet me majdanoz të grirë hollë.

Përgatitja e kremit të supës:

Gjysmën e gotës me kos hidhni në një enë. Shtoni miellin, kripën, të verdhën e vezës dhe përzieni mirë. Pastaj shtoni disa pika limon. Këtë përzierje e shtoni në supë ngadalë dhe përzieni vazhdimisht.

Ju bëftë mirë!/arbresh.info/